Elordada «Kazenergy» qaýymdastyǵy úılestirýshi keńesiniń qorytyndy otyrysy ótti
dep habarlaıdy QazAqparat.
Alqaly jıyn barysynda munaı-gaz salasynyń mamandaryna laıyq kásibı standarttardy jasap shyǵarý máselesi qozǵaldy. Sonymen qatar osy sala qyzmetkerlerin oqytý isine sheteldik kompanııalardy da jumyldyryp, tıisti saraptamalyq qujattar men hattamalardy daıyndaý máselesi de pysyqtaldy.
Otyrysta «QazMunaıGaz» UK» AQ Adamı resýrstardy basqarý departamentiniń dırektory Sholpan Erjigitovamen atalǵan keńestiń teń tóraǵasy Asan Nuǵymanovtyń baıandamalary tyńdaldy.
Ashyq dıalogqa «KazEnergy» músheleri men áriptesteri, sonyń ishinde «QazMunaıGaz» UK», «Statoil», «KEGOC», «Lukoil Overseas Service Ltd», «Karachaganak Petroleum Operating B.V.», «Agip Karachaganak B.V.» sııaqty birqatar aktsıonerlik qoǵamdardyń, Qyzmetkerlerdi damytýdyń biryńǵaı ortalyǵynyń (UDBO), QR Bilim jáne ǵylym, Eńbek jáne halyqty áleýmettik qorǵaý mınıstrlikteriniń ókilderi qatysty.
