«Elordada qazan aıynda syıymdylyǵy 3 myń 180 tonnalyq «Astana-Agro-AA» JShS kókónis qoımasy iske qosylady
TANA. 10 qazan. QazAqparat - «Elordada qazan aıynda syıymdylyǵy 3 myń 180 tonnalyq «Astana-Agro-AA» JShS kókónis qoımasy iske qosylady», dep habarlaıdy «Qazagro» ulttyq basqarýshy holdınginiń baspasóz qyzmeti.
Baspasóz málimetterine qaraǵanda, 2009 jyly «QazAgro» ulttyq basqarýshy holdıngi» aktsıonerlik qoǵamy Dırektorlar keńesiniń sheshimimen kókónis qoımalarynyń jelisin qurý boıynsha ınvestıtsııalyq jobalardy iske asyrý qajettiliginiń negizdemesi bekitilgen. Atalmysh sharanyń operatory «QazAgroQarjy» aktsıonerlik qoǵam bolǵan. Kókónis qoımalaryn turǵyzý jáne jańartý boıynsha jobalar jyldyq 6 paıyz mólsherleme negizinde, 8 jylǵa deıingi qarjylandyrý merzimimen jáne 2 jyl negizgi boryshty óteý boıynsha jeńildikti kezeńmen qarjylandyrylady.
Astana qalasynyń tóńireginde azyq-túlik beldeýin qurý sheńberinde holdıng astanamyzda ornalasqan eki kókónis qoımasynyń qurylysyn qarjylandyrdy. Ol - 2009 jyly iske qosylǵan syıymdylyǵy 2400 tonna «Kompanııa AısFýd Astana» JShS qoımasy. Bul ámbebap qoıma bolyp tabylady jáne onda tek kókónisterdi ǵana emes, sonymen birge basqa da ónimderdi saqtaýǵa bolady.
