Elordada qazaqtyń ulttyq naqyshyna negizdelgen balalar taýarlarynyń ortalyǵy ashyldy

Atap aıtqanda, jetkinshekterge arnalǵan bul ortalyqta balalarǵa arnalǵan dámhana, tól úlgide bezendirilgen arnaıy bólmeler jasaqtalǵan.

«Osynda qazaqtyń ulttyq jobalary turǵysynda negizge alynǵan bastamalar kóp. ıAǵnı, oıynshyqtar men buıymdarda, kıim-keshekterde ulttyq naqyshty baıqaýǵa bolady. Barlyq oıynshyqtar men kıimder tek Qazaqstan úshin arnaıy jasaldy. Bul jobany júzege asyrýdan buryn biz qazaqtyń bolmys-bitimin zerttep, ár oıý-órnektiń maǵynasyna erekshe mán berdik»,-dedi ortalyq dırektory Elena Hamhoeva.

Satylymǵa qoıylǵan qýyrshaqtardyń úlgisi men basqa da oıynshyqtar qoldanbaly óner shyǵarmashylyǵyna negizdelip jasalynǵan. Arnaıy tapsyryspen shetelde daıyndalǵan qýyrshaqtarǵa Ásel, Ádil jáne Nazerke atty esimder berildi.