Elordada Qazaqstannyń túpnusqaly kóne aqshalarynyń kórmesi ashylady
ASTANA. 14 qarasha. QazAqparat - Erteń «Nazarbaev ortalyǵy» kóp fýnktsııaly ǵylymı-taldamalyq jáne gýmanıtarlyq-aǵartýshylyq memlekettik mekemesinde tarıhtyń b.z.d. VIII ǵasyrynan bizdiń dáýirimizge deıingi túrli kezeńine jatatyn kóne aqshalardyń kórmesi ashylady.
Kórmeniń ekspozıtsııasynda Batys Túrik qaǵanatynyń aqshasy (b.z. VIII-XI ǵǵ.), Qarahanıdter dınastııasynyń aqshasy (H-HІ ǵǵ.), Qola dáýir monetalary (H-HІ ǵǵ.), Shaǵataılyqtardyń dırhemderi (HІІІ-HV ǵǵ.), Ejelgi Otyrardyń aqshalary (HІІІ-HV ǵǵ.), Qazirgi júıeli chekan aqshalary, Buryn kórmege qoıylmaǵan «S.Muqanovqa 100 jyl», «UOS Jeńisine 55 jyl», «Túrkistannyń 1500 jyldyǵy», Qazaqstandaǵy mıllenıýmdi qarsy alý, «QR Konstıtýtsııasyna 10 jyl», «Qazaqstan Táýelsizdiginiń 10 jyldyǵy» jáne t.b. arnalǵan merekelik jáne estelik monetalar kórsetiledi.
Kórmeniń ashylýyna «Nazarbaev ortalyǵy» MM dırektorynyń orynbasary R.Vasılenko, Berel qorǵanyn tuńǵysh tapqan Z.Samashev, QR Ulttyq Banki Astana qalasy fılıalynyń dırektory M.Seıfýllın, QR Tuńǵysh Prezıdenti murajaıynyń dırektory A.Saǵynǵalıeva, QR «Altyn jáne baǵaly metaldar mýzeıiniń» dırektory A.Nurazhan, Astana qalasy qazirgi zaman óner mýzeıiniń dırektory N.Shıvrına jáne sondaı-aq úkimettik emes uıymdar, ǵylymı-saraptamalyq orta, BAQ ókilderi, mádenıet pen ónerdiń, ádebıettiń kórnekti tulǵalary qatysady.
