Elordada Qazaqstannyń halyq sýretshisi G. Ismaılovanyń mereıtoılyq kórmesi ashyldy

dep habarlaıdy QazAqparat.

G. Ismaılovanyń qylqalamynan shyqqan týyndylar Qazaqstannyń beıneleý óneriniń altyn qazynasynan oryn alady. Ol aktrısa, ánshi, balet bıshileri, aqyn, jazýshy, sýretshilerdiń portretterin salyp, kórkem galereıasyn quraǵan adam. ıAǵnı G. Ismaılova belgili mádenıet, qoǵam qaıratkerleriniń keskindemelik kelbetterin birinshi bolyp salyp, olardyń beınelerin elimizdiń jylnamasynda máńgilikke qaldyrdy.

Sol kollektsııalardyń ishinen búgingi kórmege M. Áýezovtiń, M. Ǵabdýllınniń, Jambyldyń, Kúlásh Baıseıtovanyń portretteri qoıylǵan. Sondaı-aq «Birjan-Sara», «Eńlik-Kebek», «Alpamys», «Qozy Kórpesh-Baıan sulý» operalarynyń eskızderi jáne taǵy da basqa sýretteri tur.

Búgin bul sharaǵa densaýlyǵyna baılanysty Gúlfaırýs Ismaılovanyń ózi kelip qatysa almady. Onyń ornyna balasy Vadım Sıdorkın jáne jaqyn dos-jarandary, áriptesteri keldi.

«Gúlfaırýs óziniń kórmesine kele almasa da, ol osynda bar. Barlyq kezeńderde, bolashaq býyndardyń esinde ol kisiniń esimi qala bermek», dedi Prezıdenttik mádenıet ortalyǵynyń dırektory Myrzataı Joldasbekov.

G. Ismaılova 1929 jyly jeltoqsannyń 15-inde Almaty qalasynda týǵan. I. Repın atyndaǵy Lenıngradtyń Kórkemsýret, músin jáne sáýlet ınstıtýtynda teatr-dekoratsııa bólimin támamdaǵan. Qylqalam óneriniń has sheberine aınalǵan G. Ismaılova Abaı atyndaǵy memlekettik akademııalyq opera jáne balet teatrynyń bas sýretshisi boldy. Ol 30-dan astam teatr spektaklderin bezendirdi. Solardyń ishinde M. Tólebaevtiń «Birjan-Sara», E. Rahmadıevtiń «Alpamys», DJ. Verdıdiń «Aıda» operalary bar. Sonymen qatar 5-shi Búkilodaqtyq kınofestıvalde «Qyz Jibek» kınosynyń úzdik kórkem bezendirilýi úshin dıplommen marapattaldy. N. Gogol atyndaǵy Almaty kórkemsýret ýchılışesinde sabaq berdi.

G. Ismaılova KSRO-nyń «Qurmet belgisi», «Halyqtar dostastyǵy» ordenderimen jáne táýelsizdik jyldary Qazaqstannyń «Qurmet», «Parasat», 1-shi dárejeli «Dostyq» ordenderimen marapattaldy.