Elordada Qazaqstannyń aýyl áıelderiniń III forýmy ótip jatyr
«Men búgin biz úshinshi ret ótkizilip jatqan aýyl áıelderiniń biriktirýshi jáne yntalandyrýshy alańyna aınalǵan úshinshi respýblıkalyq forýmdy ashyp otyrǵanyma óte qýanyshtymyn. Jyl saıyn qatarymyz jańa esimdermen tolyqtyrylyp jatyr. Ókinishke qaraı, analarymyzdyń jumysyn kórip, qoldap qaıtý úshin biz bıyl aýyldarǵa bara almadyq. Kórip otyrǵanyńyzdaı, qashyqtyq bizge kedergi emes, onlaın rejımde de kezdesip otyrmyz. Árqaısyńyz óz aýylynyń qamyn jegen óz óńirińizdiń kórnekti ókilisiz. Prezıdent óziniń Joldaýynda aıtqandaı, básekege qabiletti ekonomıka aýyl sharýashylyǵyn damytpaı qurylmaıdy», - dedi Májilis depýtaty Maıra Aısına.
Onyń aıtýynsha Qazaqstan halqynyń jartysy aýylda turady. Onyń 4 mıllıony áıelder.
«Forým jumysy agroónerkásiptik keshenniń damýyna aıtarlyqtaı serpin beretinine senimdimiz. Bul áıelderdiń áleýmettik mártebesin jaqsartady. Súttiń 70% jáne kókónisterdiń 90% jeke qosalqy sharýashylyqtarda óndiriledi. Prezıdenttiń jeke qosalqy sharýashylyqtardyń áleýetin sheshýshi túrde paıdalaný qajettiligine nazar aýdarýy beker emes. Elimizde áıelder aýyldyń damýy úshin orasan zor eńbegin sińirýde», - dedi ol.
Qazaqstannyń aýyl áıelderiniń III forýmy barasynda «Aýyl» Halyqtyq-demokratııalyq patrıottyq partııasy men «Qazaqstan áıelderiniń agrarlyq odaǵy» ZTB arasynda yntymaqtastyq týraly Memorandýmǵa qol qoıylady.
