Elordada «Qazaqstandaǵy ǵarysh kúnderi - 2014» halyqaralyq semınary ótedi
Bul týraly Aeroǵarysh komıteti «Qazaqstan Ǵarysh Sapary» ulttyq kompanııasy» AQ baspasóz qyzmeti habarlady.
Semınardy uıymdastyrýshylar - QR IDM Aeroǵarysh komıteti, «Qazaqstan Ǵarysh Sapary» ulttyq kompanııasy» AQ Qazaqstan ekonomıkasynyń salalyq mindetterin sheshý úshin JQZ ǴJ qoldaný baǵdarlamasyn usynady. Sondaı-aq, alqaly jıynda QR joǵary dáldikti jerseriktik navıgatsııa júıesiniń jerústi ınfraqurylymyn jáne qazirgi zamanǵy aqparattyq tehnologııalar múmkindikterin qoldaný múmkindikteri talqylanbaq.
Semınarǵa tájirıbemen almasý jáne yntymaqtastyqty ornatý maqsatynda Jerdi qashyqtyqtan zondtaý derekteriniń olardy óńdeý quraldarynyń jetekshi álemdik ónim berýshileriniń ókilderi, geoaqparattyq júıeler jáne JQZ derekteriniń ázirleýshileri men tutynýshylary shaqyrylyp otyr. «Qazaqstandaǵy ǵarysh kúnderi - 2014» halyqaralyq semınarynyń jumysyna eki júzden astam qazaqstandyq jáne sheteldik mamandardyń qatysýy josparlanýda.
2013 jyly sáýir aıynda ótken «Qazaqstandaǵy ǵarysh kúnderi - 2014» alǵashqy halyqaralyq semınary elimizde dástúrli túrde ótetin ǵarysh tehnologııalarynyń halyqaralyq forýmynyń bastamasy boldy.
Osy jyly uıymdastyrýshylar "Qazaqstandaǵy ǵarysh kúnderi - 2014" halyqaralyq semınardyń sheńberin keńeıtti: qatysýshylar mynadaı taqyryptarda baıandamalarmen shyǵady: "JQZ salasyndaǵy aldyńǵy qatarly júıeler men tehnologııalyq sheshimder", "Geoaqparattyq júıeler salasyndaǵy aldyńǵy qatarly júıeler men tehnologııalyq sheshimder", "Jerseriktik navıgatsııa salasyndaǵy aldyńǵy qatarly júıeler men tehnologııalyq sheshimder".
«Qazaqstandaǵy ǵarysh kúnderi - 2014» halyqaralyq semınaryna QR Úkimeti, ózge memleketterdiń dıplomatııalyq mıssııalarynyń Qazaqstannyń ǵarysh qyzmeti boıynsha áriptesteriniń qatysýy kózdelip otyr.
