Elordada «Qazaqstandaǵy adam quqyqtarynyń ahýaly týraly» baıandama tanystyryldy
Esterińizge sala keteıik, bul qujat Memleket basshysynyń, halyqaralyq jáne ulttyq sarapshylardyń oń baǵasyn alyp, qazaq, orys, aǵylshyn tilderinde basylyp shyǵaryldy. Atap aıtqanda, komıssııa baıandamasynda 2014 jylǵy 1 qańtardan 2015 jylǵy 30 sáýirge deıingi Qazaqstandaǵy adam quqyqtarynyń ahýaly taldanǵan. Qujatta adam quqyqtaryn qorǵaý salasynda zańnamaǵa taldaý jasalǵan. Sonymen qatar onda ókiletti memlekettik organdardyń qyzmetin baǵalaý, sondaı-aq áleýmettik-ekonomıkalyq, eńbek jáne mádenı quqyqtardy jetildirýdegi naqty qadamdar eskerilgen. Tanystyrylymda sóz alǵan sarapshylar Adam quqyqtary jónindegi komıssııa baıandamasynyń mazmunyna oń baǵa berip, berilgen usynystardyń is júzinde atqarylyp jatqandyǵyn atap ótti. Belgili bolǵandaı, 2015 jyldyń birinshi toqsanynda Komıssııa hatshylyǵy azamattardyń 200-den astam hat túrindegi jáne 120 aýyzsha ótinishterin qarastyrdy. Adam quqyqtary jónindegi komıssııanyń qatysýymen 100-den astam Qazaqstan azamattarynyń quqyqtary qorǵaldy.
