Elordada Qazaqstan UOK jáne ISSA ókilderi kezdesti
ASTANA. KAZINFORM - ISSA (Islamic Solidarity Sports Association – Islam yntymaqtastyǵy sporttyq qaýymdastyǵy) delegatsııasy V Dúnıejúzilik kóshpendiler oıyndaryna arnaıy kelgen.
QR UOK shtab-páterinde ótken kezdesýge ISSA Bas hatshysy Naser Madjalı myrza men Qazaqstan UOK tarapynan UOK Prezıdentiniń Keńesshisi Álimjan Aqaev qatysty.
Basqosýda talqylanǵan negizgi taqyryptardyń biri – 2025 jyldyń qarashasynda Saýd Arabııasynyń Er-Rııad qalasynda ótetin Islam yntymaqtastyǵy oıyndaryn uıymdastyrý.
Qazirgi tańda sporttyq saıystyń baǵdarlamasy jasaqtalyp jatyr, aldyn ala málimet boıynsha jarys sporttyń 20 túrinen ótedi.
Sondaı-aq kezdesý barysynda ISSF qyzmetiniń jańa strategııasy talqylandy. Mundaǵy basymdyq sporttyq baǵdarlamadan basqa ıslamdyq oıyndar mádenıeti men bilim berýdi damytýǵa jáne barlyq qatysýshy arasynda jańa baılanys qurýǵa berilgen.
