Elordada Qazaqstan, Ýkraına, Ázirbaıjan, Ózbekstan quramalary arasynda joldastyq kezdesý bastaldy

«Tórt eldiń joldastyq kezdesýi dástúrge aınalyp, bıyl úshinshi ret uıymdastyrylyp otyr. Bul jarystyń bıylǵy ereksheligine toqtalatyn bolsaq, bizdiń Boks federatsııasynyń basshylyǵy AIBA basshylyǵyna hat jazyp, osyǵan oraı alǵashqy ret halaqyralyq týrnırdi shlemsiz ótkizbekpiz. Bıyl Eýropa, Azııa chempıonattary bar, alaıda basty jarysymyz - bıyl qazan aıynda ótetin álem chempıonatyna daıyndyq. Sol sebepten osy búgingi ótetin jarysty Olımpıadadan keıin aldyn ala kelisip, bıylǵy jyldy bul týrnırmen bastaımyz degen josparymyzdy iske asyrýdamyz»,-dedi baspasóz máslıhatynda Qazaqstan quramasynyń bas bapkeri Myrzaǵalı Aıtjanov.

Onyń sózine qaraǵanda, ulttyq quramanyń birinshi nómirli boksshylary osy dodaǵa shyǵady. Al endi osy jarystan keıin ózge boksshylarymyz Bolgarııadaǵy týrnırge qatysady. Sondaı-aq naýryzdan bastap birinshi nómirli sportshylar Danııadaǵy iri halyqaralyq jarysqa jáne Chehııadaǵy dodalarǵa barady.

Elordadaǵy «Dáýlet» sport kesheninde ótetin bokstan dástúrli «Tórt eldiń týrnıri» kestesi:

14 aqpan

14:00 Ýkraına - Ózbekstan

17:00 Ázirbaıjan - Qazaqstan

15 aqpan

14:00 Ýkraına - Ázirbaıjan

17:00 Ózbekstan - Qazaqstan

17 aqpan

14:00 Ózbekstan - Ázirbaıjan

17:00 Ýkraına - Qazaqstan