Elordada Qazaqstan sýretshileriniń kórmesi ashylady
ASTANA. Maýsymnyń 21-i. QazAqparat - Maýsymnyń 25-inde elordadaǵy QR Prezıdenttik mádenıet ortalyǵynyń murajaıynda Qazaqstan sýretshileriniń kórmesi ashylady. Bul aqparatty atalǵan ortalyqtyń baspasóz qyzmeti taratyp otyr.
«QR Prezıdenttik mádenıet ortalaǵy qala kúni qarsańynda ıgi sharalar ótkizýdi jyl saıyn dástúrge aınaldyrǵan. Aǵymdaǵy jyly da ortalyq qala turǵyndary men qonaqtaryna beıneleý jáne qoldanbaly óner sheberleriniń kórmesin tamashalaý múmkindigin syılaǵaly otyr. Kórmege Qazaqstan sýretshileriniń azat eldiń damýy men ulttyń mádenıeti jaıly shyǵarmalary engizildi. Kelýshiler beıneleý ónerinde býyny qatyp úlgirmegen jas sýretshiler men óz isiniń has sheberleriniń ulttyq taqyryptaǵy eńbekterimen tanysa alady», delingen baspasóz habarlamasynda.
QR Mádenıet mınıstrligi, Prezıdenttik mádenıet ortalyǵy jáne Qazaqstan Sýretshiler odaǵy uıymdastyrǵaly otyrǵan mádenı is-shara «Keskindeme», «Músin», «Grafıka», «Toqyma», «Zergerlik buıymdar» atty bólimderden turady. Kelýshiler nazaryna beıneleý jáne qoldanbaly óner janrynyń ár túrli baǵytymen jumys isteıtin 72 sýretshiniń 140-tan astam shyǵarmalary usynylady.
A.Dúzelhannyń «Astana», N.Qarymsaqovtyń «Sańyryq batyr», A.Abdrashıtovtyń «Natıýrmort», T.Ábýovtyń «Ómir-ózen», K.Aqashevtyń «Іńirde», T.Asylbekovtyń «Baqsy» atty keskindeme janryndaǵy týyndylary, K. Bekenovtyń «Aral», J.Koshenniń «Turmystyq natıýrmort», B.Naımanovtyń «Dala qyrany», M.Syzdyqovtyń «Baqyt qusy» atty grafıkalyq týyndylary; sondaı-aq M.Aınekovtyń «Baqyt», «Shákárim», G.Ahmetovtyń «Qurmanǵazy», A.Jumabaıdyń «Kóshpendiler», «Ahmet ıAssaýı», «Qazaq qyzy», B.Qusaıynovtyń «Domalaq ana», «Umaı», B.Muhamedjanovtyń «Ómir» atty músinderi; dekoratıvti-qoldanbaly óner týyndylarynan A.Bapanovtyń «Kóshpendiler 1» «Kóshpendiler 2», «Jumaq aǵash», M.Muqanov pen A.Jamhannyń «Reńkti dala», B.Túleshevanyń «Oıyn» gobelenderi; S.Bashırovtyń «Pyshaq», «Tolqyn», A.Muqajanovtyń «Kúltegin» alqasy, «Pazyryq» bilezigi kórermenderdiń yqylasyna bólenetindigine kúmán joq.
Іs-sharaǵa QR Prezıdenti Ákimshiligi, QR Parlamenti depýtattary, QR Mádenıet mınıstrligi, elshilikter ókilderi, Astana jáne Almaty qalasynyń sýretshileri, Astana qalasy murajaılarynyń qyzmetkerleri, BAQ ókilderi, sondaı-aq qala turǵyndary men qonaqtary shaqyrylyp otyr.
