Elordada «Qazaqstan sportynyń tarıhy» atty kórme ashyldy

Bul kórmeniń Azıada oıyndarynyń ashylýyna 5 kún qalǵanda ótip otyrǵandyǵyn aıtqan «2011 jylǵy 7-qysqy Azııa oıyndaryn uıymdastyrý komıtetiniń atqarýshy dırektsııasy» AQ vıtse-prezıdenti Abzal Álibekov: «Osyndaı mádenı sharalar Azıada oıyndary bastalǵanǵa deıin óz jalǵasyn tabady. Solardyń biri 30 qańtar kúni ótetin qysqy oıyndardyń ashylý saltanaty. Sondaı-aq elimizdiń jáne sheteldik ártisterdiń qatysýymen gala-kontsertter ótedi», - dedi.

Elimizdiń sport salasynda jetken jetistikterin óskeleń urpaqqa tanystyrý, jastar arasynda salamatty ómir saltyn keńinen nasıhattaý maqsatynda uıymdastyrylǵan kórmege Qazaqstan sporty tarıhynan maǵlumat beretin fotosýretter, eksponattar, Azııa oıyndarynyń arnaıy sport kıimderi, emblemalary, kádesyı buıymdary, sonymen qatar ulttyq, álemdik sport túrleri jaıynda aqparattar qoıylǵan.

20 ǵasyrdyń basynda ótken kóptegen álemdik jarystardyń jeńimpazy, jaýyryny jer ıiskemegen balýan Qajymuqan Muńaıtpasuly ómirine qatysty materıaldarmen bastalatyn kórme 1960 jylǵy Rım olımpıadasynyń kúmis júldegeri Ǵusman Qosanov, 1972 jylǵy olımpıada chempıony, basketbolshy, Áljan Jarmuhambetov, Máskeý olımpıadasynyń chempıondary Jaqsylyq Úshkempirov, Shámil Serikov, sondaı-aq, egemen elimizdiń kók baıraǵyn kókke kótergen Bekzat Sattarhanov, Ermahan Ybyraıymov, Olga Shıshıgına, Baqtııar Artaev, Ilıa Ilın syndy sportshylarmyzdyń sporttyq ómirinen syr shertedi.