Elordada «Qazaqstan Respýblıkasy» serııasymen shyqqan kóptomdyqtyń alǵashqy 14 kitabynyń resmı tusaýkeseri ótedi
ASTANA. Sáýirdiń 14-i. QazAqparat - Erteń QR Prezıdenttik mádenıet ortalyǵynda «Qazaqstan Respýblıkasy» tarıhı dereknamalyq kóptomdyǵynyń alǵashqy 14 kitabynyń resmı tusaýkeser rásimi ótedi.
Bul aqparatty atalǵan ortalyqtyń baspasóz qyzmeti taratyp otyr.
«Elimizde derektaný ǵylymynyń qalyptasyp, damymaǵandyǵynyń saldarynan ata tarıhymyz negizinen ańyzdarǵa, shejirelerge, batystyń keıbir kúmándi derekterine súıenip jazylyp keledi. Sondyqtan naqty, tutas tarıhymyz jazyla da qoıǵan joq. Munyń negizgi sebebi - elimizde derektaný ǵylymynyń qalyptasyp damymaǵandyǵynan. Osy olqylyqtyń ornyn toltyrý ári QR memlekettiliginiń tarıhyn dál, anyq jazý maqsatynda Prezıdenttik mádenıet ortalyǵy sońǵy eki jylda Elbasynyń maquldaýymen «Qazaqstan Respýblıkasy. Táýelsizdik shejiresi» atty kóptomdyq dereknamalyq serııany jarııalaı bastady. Munda Qazaqstan Respýblıkasynyń 1991 jylǵy táýelsizdik alǵaly bergi qabyldanǵan resmı qujattary men sheshimderi ret-retimen berilip, «Táýelsizdik shejiresi», «Elmen syrlasý», «Elbasy joldady - eli qoldady», «Álem Qazaqstan týraly», «Álem Prezıdent týraly» degen atpen úzdiksiz jalǵasa bermekshi», delingen baspasóz baıanynda.
Bul serııanyń búginde alǵashqy 14 tomy jaryq kórdi. Prezıdenttik mádenıet ortalyǵynyń «Qazaqstan Respýblıkasy memlekettiligi jáne Prezıdenttik ınstıtýtyn zertteý» ǵylymı zerthana qyzmetkerleri bıylǵy jyly taǵy 17 tom eńbekti daıyndaý ústinde. Osylaısha táýelsiz Qazaqstan Respýblıkasynyń shynaıy tarıhyna aınalatyn teńdessiz jobanyń 2015 jylǵa deıin 138 tomyn shyǵarý josparlanǵan.
Bul eńbek - memlekettik qyzmetkerlerge, saıasatkerlerge, ǵalymdarǵa, stýdentterge, mektep oqýshylaryna, táýelsiz Otan tarıhyna qyzyǵýshylarǵa, qoǵamdyq uıymdarǵa, Qazaqstandy bilemin deýshilerge óte qajet, urpaqty otanshyldyqqa baýlyıtyn jáne eshqashan aıaqtalmaıtyn, únemi úzdiksiz jalǵasa beretin serııa bolady; Qazaqstan Respýblıkasynyń shynaıy shejiresine, keleshekte óz aldyna derbes kitaphanaǵa aınalady.
Іs-sharaǵa QR Prezıdenti Ákimshiligi, QR Parlamenti Senaty men Májilisi, Mádenıet mınıstrligi, Bilim jáne ǵylym mınıstrligi, Baılanys jáne aqparat mınıstrligi ókilderi, memleket jáne qoǵam qaıratkerleri, «Nur Otan» HDP ortalyq apparatynyń ókilderi sııaqty qonaqtar shaqyrylǵan.
