Elordada Qazaqstan men Rýmynııa matchyna baılanysty Qabanbaı batyr jáne Turan dańǵylynda qozǵalys shekteledi
ASTANA. QazAqparat - 11 qazanda saǵat 22.00-de «Astana Arena» alańynda Qazaqstan men Rýmynııa ulttyq quramalary arasynda fýtbol matchy ótedi, dep habarlaıdy elorda ákimdiginiń baspasóz qyzmeti.
Osyǵan oraı 11 qazanda Qabanbaı batyr jáne Turan dańǵylynyń Kereı Jánibek handar kóshesinen Hýseın Ben Talal kóshesine deıingi bóliginde kólik qozǵalysy toqtatylady. Qozǵalys is-shara aıaqtalǵanǵa deıin shekteledi. Júrgizýshilerge Orynbor kóshesimen aınalyp ótý joly usynylady.
Saǵat 20.00-de jankúıerlerdi jınaý jáne jetkizý úshin arnaıy reıster uıymdastyrylady, olar bes meken-jaıdan attanady:
1) «Qazaqstan» SK kólik turaǵynan (Qajymuqan kóshesi);
2) «Hazret Sultan» meshitinen (Qoshqarbaeva dańǵyly);
3) «Nur Astana» meshitinen (shyǵys jaǵynyń kólik turaǵy );
4) Qalalyq tsırk kólik turaǵynan (Qorǵaljyn shossesi kólik turaǵy);
5) Muńaıtpasov atyndaǵy alań kólik turaǵynan (Kenesary kóshesi).
Match aıaqtalǵan soń osy shattldar «Astana-Arena» stadıony janyndaǵy turaqta jáne Qabanbaı batyr dańǵylynyń boıyndaǵy aıaldamada turady.
Elordalyq tártip saqshylary júrgizýshilerden jolda muqııat bolýyn jáne jurtshylyqtyń paıdasyna jeke jol kólikterinen bas tartýdy suraıdy. Astana q. Halyqaralyq áýejaıyna jol júrýdi josparlaǵan azamattarǵa jáne jaqyn aýdandardaǵy turǵyndarǵa balamaly jol qozǵalysyn aldyn ala josparlaýdy usynamyz.
