Elordada «Qazaqstan men Reseı máńgilik dostyqtyń strategııasy» atty halyqaralyq kórme ótedi
ASTANA. QazAqparat - Elordada «Qazaqstan men Reseı máńgilik dostyqtyń strategııasy» atty halyqaralyq kórme ótedi. Bul týraly búgin QR Ortalyq kommýnıkatsııalar qyzmetiniń resmı ókili Murat Jumanbaı málim etti, dep habarlaıdy QazAqparat.
«16 naýryzda QR Ulttyq mýzeıinde «Qazaqstan men Reseı máńgilik dostyqtyń strategııasy» atty halyqaralyq kórme ashylady. Kórmede Qazaqstan men Reseı arasyndaǵy san ǵasyrlyq dostyq pen teń quqyly strategııalyq odaqtastyqty kórsetetin mańyzdy qujattar qoıylady», - dedi ol.
Resmı ókildiń aıtýynsha, atalǵan sharaǵa eki memlekettiń basshylary atynan QR Prezıdenti Ákimshiligi basshysynyń orynbasary Marat Májın, RF Prezıdenti basqarmasynyń shet memlekettermen mádenı jáne aımaqaralyq baılanys jónindegi basshysy Vladımır Chernov qatysady dep kútilýde.
«Sonymen qatar atalǵan sharaǵa QR Mádenıet jáne sport mınıstri Arystanbek Muhamedıuly, Reseıdiń Qazaqstandaǵy Tótenshe jáne Ókiletti Elshisi Mıhaıl Bocharnıkov, RF Federaldy muraǵat agenttiginiń basshysy Andreı Artızov qatysady», - dedi M.Jumanbaı.
