Elordada Qazaqstan men Reseı birlesip túsirgen «Mahabbat tálkegi» atty romantıkalyq komedııa alǵash ret kórsetiledi
ASTANA. Naýryzdyń 17-si. QazAqparat - Erteń, naýryzdyń 18-i kúni elordadaǵy «Saryarqa» saýda ortalyǵyndaǵy kınoteatrda Sh.Aımanov atyndaǵy «Qazaqfılm» AQ men reseılik «Interfest» kompanııasy birlesip túsirgen «Mahabbat tálkegi» atty romantıkalyq komedııa alǵash ret kórsetiledi.
Bul aqparatty Qazaqfılmniń baspasóz qyzmeti taratyp otyr.
«Qazaqfılm» AQ prezıdenti Ermek Amanshaevtyń málimdeýinshe, «Mahabbat tálkegi» fılmi alǵash ret TMD elderine, kópshilik kórermen qaýymǵa 600 kóshirmesimen taralyp otyrǵan alǵashqy otandyq kınoónim. Buǵan deıin túsirilgen fılmderdiń taralym mólsheri 50 kóshirmeden aspaıtyn.
Romantıkalyq komedııanyń tusaýkeser rásimi 4 memlekette Qazaqstan, Reseı, Belarýs, Ýkraınanyń iri kınoteatrlarynda ótpek. Atap aıtqanda, naýryzdyń 22-sinde Máskeýdiń «Oktıabr» kınoteatrynda, 23-inde
Kıevtiń «Gemını» kınoteatry, 21-inde Qazan qalasyndaǵy «Kınomaks» kınoteatrynda jáne 20-synda Almatydaǵy «Spýtnık» saýda ortalyǵyndaǵy kınoteatrda kórsetiledi.
Túsirilimi Máskeý jáne Astana qalalarynda ótken fılmde Alekseı Chadov, Ásel Saǵatova, Irına Rozanova, Erik Joljaqsynov, Farhat Ábdraımov, Olga Orlova, Natalıa Rýdova, Marına Chernıaeva, Gosha Kýtsenko, Artýr Smolıanınov syndy tanymal akterler oınaıdy.
