Elordada Qazaqstan halqynyń birligi kúni merekesi keńinen atalyp ótýde
ASTANA. 1 mamyr. QazAqparat -Elorda ákimdiginiń aldyndaǵy alańda Qazaqstan halqynyń birligi kúni merekesine arnalǵan shara ótip jatyr.
«Biz respýblıkanyń barlyq halqyn, barlyq ulttyq birlestikterin osynaý tamasha mereke - Qazaqstan halqynyń birligi kúnimen shyn júrekten quttyqtap, beıbit ómir, zor baqyt tileımiz», - deıdi Aqmola kazaktary qoǵamdastyǵynyń atamany Kazımır Mýhınov.
Aıta keteıik, qalalyq ortalyq alańda elordanyń ulttyq mádenı birlestikteriniń shyǵarmashylyq ujymdarynyń qatysýymen «Dúnıe-dýman» atty merekelik kontsert ótýde. Onda kópultty halyqtyń dostyǵy men birligin pash etken «Dostyq salt-dástúr» atty aýqymdy horeogafııalyq qoıylym kórsetildi. Sondaı-aq «Terra» bı teatry, Faıza Gaskarov atyndaǵy memlekettik akademııalyq halyq bı ansambli, «Irada» bı ansambli, «Bahar» ansambli, «Alash uly» toby, «Premıým» kvarteti syndy shyǵarmashylyq ujymdary óz ónerlerin pash etti.Merekelik kontsertke Álisher Kárimov, Vladımır Ignatenko, Nasıma Arkın jáne taǵy da basqa ánshiler qatysty.
