Elordada Qazaqstan halqy dostyǵynyń 11-shi qalalyq festıvali ótedi
Bul týraly búgin Qazaqstan halqy Assambleıasy Astana qalalyq hatshylyǵynyń meńgerýshisi Ámirjan Álpeıisov BAQ ókilderimen bolǵan baspasóz máslıhaty barysynda málim etti.
Onyń aıtýynsha, osymen 11-shi ret ótkizilgeli otyrǵan mádenı is-shara Qazaqstan halqy Assambleıasynyń Astana hatshylyǵy men qalalyq mádenıet basqarmasynyń qoldaýymen júzege aspaq.
Jalpy elordada 27 mádenı ortalyq bolatyn bolsa, olardyń barlyǵyna da Astana qalasynyń mádenıet basqarmasy óziniń kómegin kórsetip, jumysyn júrgizýge mol múmkinshilikter jasap otyrǵandyǵyn atap ótken Á.Álpeıisovtiń aıtýynsha, bul festıval ekinshi dúnıejúzilik soǵystyń 65 jyldyq mereıtoıyna arnalady. Sondyqtan da mádenı is-sharanyń ataýyn «Sol bir jyldarǵa taǵzym etemiz» dep alyp otyr.
Úsh kúnge sozylatyn festıvaldiń alǵashqy eki kúninde elordadaǵy barlyq mádenı ortalyqtar óz ónerlerin ortaǵa salady. Al úshinshi kúni onyń qorytyndysy shyǵarylyp, jaqsy óner kórsetken mádenı ortalyqtardyń óner ujymdary túrli syılyqtarmen marapattalyp, kesh sońy ǵala-kontsertke ulaspaq.
