Elordada Qazaqstan halqy Assambleıasynyń kópfýnktsıonaldy portalynyń tusaýkeseri ótti
ANA. Qazannyń 23-i. QazAqparat /Marlan Jıembaı/ - Búgin elordadaǵy QR Ulttyq akademııalyq kitaphanada Qazaqstan halqy Assambleıasynyń www.assembly.kz kópfýnktsıonaldy portalynyń tusaýkeseri ótti.
Portal QR Mádenıet jáne aqparat mınıstrliginiń tapsyrysy boıynsha QHA men Halyqaralyq aqparattandyrý akademııasynyń bastamasymen atalǵan uıymnyń qazannyń 26-synda ótetin 15-shi sessııasy qarsańynda jańartylyp otyr, dep habarlaıdy QazAqparat.
Bul veb-portaldan qoǵamdyq uıymnyń jáne onyń aımaqtyq bólimsheleri men etnomádenı birlestikterdiń qyzmeti jaıynda jan-jaqty maǵlumat alýǵa bolady. Assambleıanyń saıtynyń ıdeologııalyq qurama bólimi ár etnostyń memleketimizdiń bolashaǵyn ornatýdaǵy, sondaı-aq Qazaqstannyń 50 básekege qabiletti elderiniń qataryna qosylý strategııasyn júzege asyrý jolyndaǵy jetistikteri men múmkindikterin kórsetý negizinde qurylǵan. Onda elimizde turatyn etnostar, etnomádenı birlestikterdiń qyzmeti jáne olardyń ulttyq merekekeleri týraly aqparattar berilgen.
Atalǵan sharaǵa QHA hatshylyǵynyń basshylary, QR Parlament Májilisiniń depýtattary, halyqaralyq uıymdar men buqaralyq aqparat quraldarynyń ókilderi qatysty.
