Elordada Qazaqstan halqy Assambleıasynyń qoǵamdyq jáne memlekettik nagradalarymen marapattaý rásimi ótti
Qazaqstannyń Táýelsizdik kúni qarsańynda eldiń áleýmettik-ekonomıkalyq damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi, belsendi qoǵamdyq qyzmeti úshin Assambleıa músheleri, etnomádenı birlestikterdiń, shyǵarmashyl jáne ǵylymı zııaly qaýym ókilderi marapattaldy.
«Táýelsizdik kúni - qazaqstandyqtardyń ortaq merekesi. Ortaq merekemizge Qazaqstan halyq assambleıasynyń músheleri, sondaı-aq elimizdiń 30% quramyn alyp jatqan basqa etnos ókilderi de elimizdiń ekonomıkasyn, mádenıetin, bilim-ǵylymyn damytýǵa eń bastysy - birlik-yntymaqty saqtaýǵa óz úlesterin qosýda. Olardyń arasyndaǵy belgili qoǵam qaıratkerleri, óner adamdary, isker azamattar, ǵalymdar QR Prezıdentiniń nagradalarymen marapattaımyz. Olardyń elimizdegi yntymaq pen birlikti saqtaýǵa qosyp jatqan úlesteri zor», - dedi QHA Tóraǵasynyń orynbasary Janseıit Túımebaev.
Marapattalǵandardyń birqataryna toqtalyp ótetin bolsaq, «Qazaqstan uıǵyrlarynyń respýblıkalyq mádenı ortalyǵy» qoǵamdyq birlestiginiń basqarma múshesi Abdýlhalıl Dolkýntaı «Qurmet» ordenimen, QR Prezıdentiniń janyndaǵy «Qoǵamdyq kelisim» respýblıkalyq memlekettik mekemesi dırektorynyń orynbasary Hadısha Erseıitova «Eren eńbegi úshin» medalimen, Kazakh TV telekanalynyń dırektory Maııa Bekbaeva, «Habar agenttigi» Aktsıonerlik qoǵamy Basqarma tóraǵasy Erlan Bekhojın, Qazaqstan halqy Assambleıasy Kásipkerler qaýymdastyǵynyń tóraǵasy Dýman Qydyrbaev, «Egemen Qazaqstan» respýblıkalyq gazeti aktsıonerlik qoǵamynyń Basqarma tóraǵasy Darhan Qydyráli, «QazAqparat» halyqaralyq aqparat agenttiginiń bas dırektory Asqar Ýmarov «Qazaqstan halqy Assambleıasynyń qoǵamdyq «Birlik» altyn medalimen, «QAZPROFTRANS»-«QTJ-Júk tasymaly» kompanııasynyń tóraǵasy Ermek Tólegenov Qazaqstan halqy Assambleıasynyń «Jomart jan» tósbelgisimen, «Habar-24» telearnasynyń bas redaktory Baqytjan Omarov «Meıirim» tósbelgisimen marapattaldy.
