Elordada Qazaqstan halqynyń birligi kúnine arnalǵan erekshe fleshmob bastaldy
ASTANA. KAZINFORM — Qazaqstan halqynyń birligi kúni qarsańynda áleýmettik jelide «Bir shańyraq astynda» onlaın-fleshmoby bastaldy.
Fleshmob aıasynda Qazaqstan halqy assambleıasynyń músheleri, túrli etnostardyń ókilderi etnosaralyq kelisim, tatýlyq, beıbitshilik jáne ózara syılastyq týraly óz oılarymen bólise otyryp, vıdeoúndeý jarııalaıdy. Onlaın fleshmob Instagram, TikTok, Facebook jáne t. b. tanymal platformalardy qamtıdy.
Bul fleshmobtyń maqsaty — etnosaralyq kelisimdi nyǵaıtý, qoǵamda birlik, dostyq jáne ózara syılastyq ıdeıalaryn damytý, sondaı-aq Qazaqstannyń mádenı ártúrliligin dáripteý.
— Bizdiń kúshimiz — tatýlyq pen birtutastyq. Qazaqstan — 130-dan astam etnostyń úıi, onda árqaısymyz beıbitshilik pen syılastyqta ómir súremiz, — dep atap ótti qatysýshylardyń biri.
Esterińizge sala keteıik, 1 mamyr — Qazaqstan halqynyń birligi kúni. Osy ataýly merekeniń qurmetine elordada zııatkerlik vıktorınalar men kórmelerden bastap kontsertter men jarystarǵa deıin ondaǵan túrli mádenı-sporttyq is-shara ótkiziledi.
Aıta ketelik Astanada ótetin marafonǵa baılanysty birneshe kóshe jabylady.