Elordada qazaqstan-belarýs syrtqy ister mınıstrlikteriniń kezekti konsýltatsııalary ótti

ASTANA. 7 naýryz. QazAqparat - Keshe, 6 naýryzda Astana qalasynda qazaqstan-belarýs syrtqy ister mınıstrlikteriniń kezekti konsýltatsııalary ótti.

Bul týraly QR SІM baspasóz qyzmeti habarlady.

Atalmysh is-sharanyń barysynda Qazaqstan Respýblıkasy Syrtqy ister mınıstriniń orynbasary S.Ordabaevtyń jáne Belarýs Respýblıkasy Syrtqy ister mınıstriniń Birinshi orynbasary A.Mıhnevıchtiń basshylyǵymen eki delegatsııalardyń kelissózderi boldy.

Taraptar ekijaqty ózekti máselelerdi, sondaı-aq eki memlekettiń Biryńǵaı ekonomıkalyq keńistik, Kedendik odaq jáne TMD sheńberindegi is-qımyldaryn talqylady.

Konsýltatsııalardyń qorytyndysy boıynsha Qazaqstan Respýblıkasy Syrtqy ister mınıstrligi men Belarýs Respýblıkasy Syrtqy ister mınıstrligi arasyndaǵy 2013-2014 jyldarǵa arnalǵan is-sharalar jobasyna qol qoıyldy.