Elordada «Kazakhstan Education Abroad» kórmesi jáne forýmy ótti
ASTANA. 23 qyrkúıek. QazAqparat - Astanada «Kazakhstan Education Abroad» kórmesi men forýmy ótti, dep habarlaıdy rm. kz saıty.
Forým barysynda «Halyqaralyq baǵdarlamalar ortalyǵy» AQ-nyń ókilderi shákirtaqy taǵaıyndaý rásimderi jáne stıpendıanttardy oqytý úshin ýnıversıtetterdi irikteýdiń talaptarymen, sondaı-aq «Bolashaq» baǵdarlamasynyń aǵymdaǵy jumysymen men josparymen tanystyrdy.
Aıta ketý kerek, atalmysh vedomstvo qazirgi tańda 23 halyqaralyq uıymmen yntymaqtastyqty jalǵastyrýda. Búginde bilim men ǵylym salasynda 45 memleketpen 131 kelisim júzege asyrylýda.
Al «Bolashaq» baǵdarlamasynyń seriktes-ýnıversıtetteri sharaǵa qatysýshylarǵa kolledjderdiń ókilderimen, orta mektep dırektorlarymen, aǵa oqýshylarmen, jergilikti ýnıversıtetterdiń halyqaralyq yntymaqtastyq jáne almasý qyzmetteriniń ókilderimen jáne shetelderde oqýdy uıymdastyrýshy agenttikterdiń keńesshilerimen kezdesý múmkindigin uıymdastyrdy.
Forým barysynda ótken sessııalardyń barysynda sondaı-aq Brıtandyq Keńestiń, DAAD, Campus France, Canadian Education Consulate uıymdarynyń jáne Túrkııa Elshiligi Bilim departamentiniń ókilderimen «dóńgelek ústel» otyrystary ótkizildi.
