Elordada «Qazaq tili - saıası kommýnıkatsııada» taqyrybynda dóńgelek ústel ótti
ANA. Qarashanyń 9-y. QazAqparat /Marlan Jıembaı/ - Búgin elordada Memlekettik tildi damytý prezıdenttik qorynyń uıymdastyrýymen «Qazaq tili - saıası kommýnıkatsııada» taqyrybynda dóńgelek ústel ótti,
dep habarlaıdy QazAqparat.
Alqaly jıyn Memlekettik tildi damytý prezıdenttik qorynyń tapsyrysymen Gýmanıtarlyq-saıası konıýktýra ortalyǵy ázirlegen qazaq tiliniń saıası kommýnıkatsııadaǵy orny týraly saraptamalyq baıandama tóńireginde órbidi.
Qor dırektory Berik Ábdiǵalıevtiń aıtýynsha, atalǵan baıandama qazaq tiliniń tolyqqandy saıasat tiline aınalýyna kedergi bolyp otyrǵan faktorlardy anyqtaý úshin ázirlengen. Osy oraıda baıandama avtorlary qazaq tiliniń saıasatqa belsendi enýine basty kedergi bolyp otyrǵan sebep, saıası elıtanyń kúndelikti jumys tili áli kúnge deıin orys tili bolyp otyrǵandyǵynda degen ortaq pikirge kelgen.
Osy baıandamany tanystyrǵan Gýmanıtarlyq-saıası konıýktýra ortalyǵynyń vıtse-prezıdenti Muhıt Asanbaevtyń pikirinshe, bıliktiń ortalyq organdary qujat ázirleýde, resmı jınalystarda sóz sóılegende jáne basqa da jaǵdaılarda qazaq tilin qoldanýǵa kóshýi tıis. Sonymen qatar, memlekettik qyzmetke qabyldaý kezinde basty nazar úmitkerdiń memlekettik tildi bilý dárejesine aýdarylýy qajet.
Dóńgelek ústelge memlekettik organdardyń, saraptamalyq qaýymdastyqtyń ókilderi men saıası lıngvıstıka jáne til biliminiń mamandary qatysty.
