Elordada qazaq memleketiniń tarıhy týraly kitaptardyń tusaýy kesildi
Elbasy kitaphanasynda «Uly dala jáne Qazaq memlekettiligi: jańasha oı men tyń kózqaras» halyqaralyq ǵylymı-praktıkalyq onlaın-konferentsııasynda belgili tarıhshy, professor Búrkitbaı Aıaǵannyń «Ulyq Ulys – Altyn Orda memleketi tarıhy» atty qos tildi dárister jınaǵynyń tusaýy kesildi.
Bul kitaptar jańa faktilerge negizdelgen jáne qazaq memlekettiligi tarıhyndaǵy mańyzdy kezeńder týraly egjeı-tegjeıli baıandaıdy.
«Elbasymyzdyń kitaphanasynda júzege asyryp jatqan tusaýkeser bizdiń qoǵamdy, onyń ishinde sheteldikterdi bizdiń zamandastarymyzdyń, ǵalymdarymyzdyń, jazýshylarymyzdyń, sýretshilerimizdiń, mýzykanttarymyzdyń táýelsizdigimizdiń rýhanı jáne mádenı murasyn damytýǵa zor úles qosqan jetistikterimen tanystyrýdy kózdeıtin «Táýelsizdiktiń mádenı kodv» atty iri joba aıasynda ótip jatqanyn atap ótkim keledi», - deıdi Elbasy kitaphanasynyń dırektory, saıası ǵylymdardyń kandıdaty Baqytjan Temirbolat.
Sondaı-aq, is-sharaǵa Vıskonsın ýnıversıtetiniń qurmetti professory ıÝlaı Shamıloglý (AQSh), Á.H.Marǵulan atyndaǵy Arheologııa ınstıtýtynyń professory, tarıh ǵylymdarynyń doktory Zeınolla Samashuly, Túrki álemi ınstıtýtynyń dırektory, Saıasattaný fakýlteti Halyqaralyq qatynastar bóliminiń qaýymdastyrylǵan professory (dotsent) Merıem Hakım (Túrkııa), QR BǴM ǴK Memleket tarıhy ınstıtýtynyń bólim basshysy, tarıh ǵylymdarynyń doktory, professor Ǵanı Qarasaev, Reseı ІІM Ýfa zań ınstıtýty Memleket jáne quqyq tarıhy men teorııasy kafedrasynyń professory, Bashqurtstan memlekettik ýnıversıtetiniń Reseı tarıhy, derektaný jáne tarıhnama kafedrasynyń professory, tarıh ǵylymdarynyń doktory Roza Býkanova (RF, Ýfa), L.N. Gýmılev atyndaǵy Eýrazııa ulttyq ýnıversıtetiniń professory, tarıh ǵylymdarynyń doktory Maqsat Alpysbes, QR BǴM ǴK Memleket tarıhy ınstıtýtynyń jetekshi ǵylymı qyzmetkeri, PhD Jaqsylyq Sábıtov, t.b. da baıandama oqydy.
