Elordada Qazaq kúresinen VIII Álem birinshiligi ótip jatyr
«Dúnıejúzilik Qazaq kúresi federatsııasy 15 jyldyń ishinde 52 memlekette federatsııasyn ashqan bolatyn. Búgin bastalǵan álem chempıonatyna 36 memleket qatysýǵa tilek bildirdi. 36 memlekettiń qyzdar jáne erler tobynyń balýandary tolyq quramda keletinin aıtqanymen, aýa raıynyń qolaısyzdyǵyna baılanysty 8 komanda jarysqa keshigip qaldy. ıAǵnı, 28 eldiń balýany boz kilemge shyqty», - dedi Dúnıejúzilik Qazaq kúresi federatsııasynyń atqarýshy dırektory Talǵat Mázibaev týrnır barysynda.
Onyń aıtýynsha, Qazaq kúresinen baǵyn synamaqqa kelgen balýandardyń ishinde dzıýdo, erkin kúres syndy sport túrlerinen aty shyǵyp júrgen sportshylar barshylyq.
«Ózbekstan, Grýzııa, Mońǵolııa, Latvııa, Belarýs komandalarynyń quramynda Olımpıada oıyndaryna qatysqandar, sambodan birneshe dúrkin chempıon atanǵan sportshylar bar. Júlde qory – 70 myń AQSh dollaryn quraıdy. Ár oryndarǵa bólinip beriledi. Demeýshiler búkil elden kelgen sportshylardyń kelý-ketýge shyǵatyn shyǵynyn kóterip otyr. Óıtkeni, biz Qazaq kúresi sekildi damýshy kúres túrinen saıys ótkizip jatyrmyz. Japondar sekildi óz kúresimizdi alǵa jeteleý úshin aqsha salýymyz kerek», - deıdi ol.
Búgin erler men qyzdar úsh-úsh salmaqtan, erteń de dál osyndaı tártip boıynsha boz kilemde ózara myqtyny anyqtaıdy.
Jarystyń alǵashqy jeńimpazy da belgili boldy. Qyzdar arasyndaǵy 55 keli salmaqta birinshi orynǵa Zarına Abdýrahmanova (Túrikmenstan) ıe bolsa, ekinshi jáne úshinshi oryndardy Anara Rysqulova (Qyrǵyzstan) men Marııa Lıatırı (Grekııa) ıelendi. 60 keli salmaqta birinshi oryn Gantsetseg Ganboldtyń (Monǵolııa) qanjyǵasynda ketti. Atalmysh salmaqta ekinshi jáne úshinshi oryndy Meıirim Momynova (Qyrǵyzstan) men Tolǵanaı Ábeýova (Qazaqstan) mise tutty.
Týrnır tolyqtaı UWW resmı ókilderi men halyqaralyq dárejedegi tóreshileriniń qatysýymen ótkizilip jatyr. Jarysty uıymdastyrýshylar – Birikken Kúres Álemi, Nur-Sultan qalasynyń ákimdigi, Dúnıejúzilik «Qazaq kúresi» federatsııasy. Álem chempıonatyna demeýshi – «Eurasian Resources Group» (ERG).
Eske sala ketsek, keshe elordada alys-jaqyn shet elderdiń ókilderiniń qatysýymen Dúnıejúzilik «Qazaq kúresi» federatsııasynyń halyqaralyq kongresi ótken bolatyn. Kongres barysynda Alık Shpekbaev atalǵan federatsııasynyńprezıdenti, al akter ári rejısser, Qazaqstannyń halyq ártisi Doshan Joljaqsynov Dúnıejúzilik «Qazaq kúresi» federatsııasynyń «Qurmetti prezıdenti» bolyp saılandy.
