Elordada Qazaq kúresinen Azııa chempıonaty bastaldy

ASTANA. QazAqparat - Elordadaǵy «Dáýlet» sport kesheninde Qazaq kúresinen Azııa chempıonaty bastaldy, dep habarlaıdy QazAqparat tilshisi.

Azııa chempıonatynda 11 elden 77 balýan 8 salmaq dárejesi boıynsha synǵa túsedi. Chempıonatta Qazaqstan sortshylarymen birge Mońǵolııa, Tájikstan, Túrikmenstan, Pákistan, Ózbekstan, Shrı-Lanka, Japonııa, Iran, Qyrǵyzstan, Úndistannan kelgen sportshylar ózara baq synasady.

Jalpy chempıonattyń júlde qory 20 myń AQSh dollaryna baǵalanýda. Ár salmaq dárejesi boıynsha jarys jeńimpazdaryna 1 000 dollardan tabystalady, al kúmis júldegerge 500, «qolaǵa» 300 dollardan beriledi. Absolıýttik salmaq dárejesi boıynsha altyn medal ıegerine 3 000 dollar, «kúmiske» 1 500 dollar, qola júlde ıesine 1 000 dollar tabystalady.

Azııa birinshiliginde el namysyn 55 kelide Erbol Aldýhan,  60 kelide Ospan Dáýletbaı, 66 kelide Nurbolat Іzimǵalıev, 74 kelide Naýryzbek Maılashev, 82 kelide Ersin Seıtqazınov, 93 kelide Ádiljan Ystybaeav, 100 kelide Baýyrjan Qabaı, +100 kelide Aıbat Seıten, absolıýttik salmaqta Aıbek Nuǵymarov qorǵaıdy.

Qazaq kúresinen Azııa chempıonaty ótip jatqan «Dáýlet» sport keshenine kirý tegin.