Elordada qazaq kúresinen «Astana Qyrany» anyqtalady
ASTANA. Qazaqparat - Erteń, ıaǵnı 28 sáýir kúni elorda tórindegi «Dáýlet» sport kesheninde qazaq kúresinen «Astana Qyrany» jarysy ótedi, dep habarlaıdy QazAqparat tilshisi.
Astana qalalyq sport basqarmasy taratqan málimetterge súıensek, búgin qatysýshy balýandardy tirkep, salmaq ólsheý rásimi ótse, erteń beldesýler bastalady.
Atalǵan dodada fınalda beldesken qos balýan jyl saıyn dástúrli túrde uıymdastyrylyp kele jatqan Qazaqstan Respýblıkasy Prezıdenti N.Nazarbaevtyń júldesi úshin ótetin «Qazaqstan Barysy» respýblıkalyq týrnıriniń fınalyna qatysýǵa múmkindik alady.
Jarystyń ashylý saltanaty erteń saǵat 15:00-ge josparlanǵan. Túıe palýandar saıysy saǵat 15:00-den 19:00-ge deıin jalǵasady. Túıe palýandar saıysyna 25-ke jýyq sportshy qatysady.
