Elordada «Qazaq handyǵy: Uly dalanyń uly beıneleri» atty kórme ótýde
ASTANA. QazAqparat - Búgin Qazaqstan Respýblıkasy Tuńǵysh Prezıdentiniń mýzeıinde beıneleý jáne sándik-qoldanbaly óner týyndylarynyń «Qazaq handyǵy: Uly dalanyń uly beıneleri» atty kórmesiniń ashylý rásimi ótti. Ekspozıtsııa alǵash ret dástúrli qazaq qoǵamynyń tarıhı jáne mádenı muralaryn aıǵaqtaıtyn birneshe mýzeılik jınaqtardy usynyp otyr.
Ekspozıtsııada birqatar tarıhı artefaktiler: Reseı patshaıymy І Elızavetanyń atynan Abylaı hanǵa tartý etilgen ataqty qylyshtyń bóligi, Bólek batyrdyń dýlyǵasy, sonymen qatar Q.Altynbekovtiń tarıhı dáldikpen oryndaǵan qazaq handarynyń mór-júzikteri men A.Abdýbaıttiń altyn zerli jippen kestelengen kórkem pannolary bar.
Kóptegen jádigerler kópshilik qaýymǵa alǵash ret usynylyp otyr. Osylardyń qatarynda qytaılyq Tsın dınastııasynyń kezeńine jatatyn biregeı pannolar mańyzdy oryn alady. Olarda qytaı ımperatorlarynyń ár túrli memleket ókilderimen dıplomatııalyq syılyq almasý rásimi beınelengen. Osy dıplomattar qatarynda Qazaq handyǵynyń da ókilderi bar. Osyndaı biregeı, muraǵattyq-beıneleý derekkózderi QHR muraǵattarynan tabylǵan, al olardyń dál kóshirmeleri QHR-daǵy QR Tótenshe jáne Ókiletti Elshisi, qazirgi kezde Prezıdenttiń Kómekshisi-QR Qaýipsizdik Keńesiniń hatshysy N.Ermekbaevtyń bastamasymen jasalǵan. «Qazaq handyǵy: Uly dalanyń uly beıneleri» atty kórme 2015 jyldyń 28 qyrkúıegine deıin jalǵasady.
