Elordada «Qazaq ániniń sańlaqtary» atty án-kúı, bı keshi ótedi

Mádenı shara qazaq mýzyka ónerinde óshpes izin qaldyrǵan Qalı Baıjanov, Ǵabbas Aıtbaev, Qosymjan Babaqov jáne Rábıǵa Esimjanovanyń shyǵarmashylyǵyna arnalady.  Kontsertke Qazaqstan Respýblıkasynyń halyq ártisi, Memlekettik syılyqtyń ıegeri Qaırat Baıbosynov, «Saryarqa» ult aspaptar ansambli, «Shalqyma» halyq bıi ansambli, dástúrli ánshiler qatysady.

Qalı Baıjanov - QazKSR-iniń halyq ártisi, Qaraǵandy radıo komıtetinde Qazaq horyn uıymdastyrýshylardyń biri. Kompozıtor A.Jubanov, etnograf A.Zataevıch jáne basqa da óner qaıratkerleri Q.Baıjanovtyń oryndaýshylyq ónerin joǵary baǵalady.

Qazaqstan Respýblıkasynyń eńbek sińirgen ártisi, ánshi Rabıǵa Esimjanova halyq ánderiniń sheber oryndaýshysy, HH ǵasyrdaǵy qazaq ánshilik ónerinde áıel oryndaýshylyq mektebin qalyptastyrýshy tulǵalardyń biri.

Qosymjan Babaqov - ánshi (tenor), kompozıtor . «Temirshi» , «Zavod» , «Mashına» , «Otan úshin» , «Júr joldastar maıdanǵa» t. b. halyqqa tanymal ánder shyǵardy. M.Áýezov Babaqovtyń ózindik daýysy men oryndaý mánerin erekshe unatyp, jyly pikirler bildirgen. Birjan saldyń ánderin Babaqovqa aıtqyzyp, sodan alǵan áseri boıynsha «Abaı joly» romanynda ánshini sýrettegen . Ánshiniń notaǵa túsirtken ánderi «Abaı» operasynda keńinen paıdalanyldy.

Ǵabbas Aıtbaev 1922 jyly Qarqaralyda ótkizilgen halyq ánshileriniń konkýrsynda birinshi orynǵa ıe boldy.  Búkilodaqtyq Keńester seziniń delegattaryna arnalǵan kontsertke qatysyp, Máskeýdegi konservatorııada óner kórsetti.