Elordada qaıyrymdylyq sharasy kezinde jalǵyzbasty anaǵa kómek kórsetildi

ASTANA. QazAqparat - Elordada áleýmettik osal toptarǵa kómek kórsetýge arnalǵan «Astana - meıirimdi qala» jalpyqalalyq qaıyrymdylyq aktsııasy jalǵasýda. Aktsııa aıasynda qala ákimdiginiń qyzmetkerleri, ákimniń orynbasarlary, basqarmalardyń basshylary, Astana ákimi Áset Isekeshev kómekke muqtaj qala turǵyndaryna qol ushyn sozýda, dep habarlaıdy qala ákimdiginiń saıty.

10 jasar Nursultan Kákimovke týa bitken DTsP dıagnozy qoıylǵan. Sondaı-aq, oǵan soqyrlyqtyń 4-5 dárejesi qoıyldy. Onyń anasy Gúlmıra Taýtanova №2 qalalyq balalar aýrýhanasynda meıirbıke bolyp isteıdi, ol jalǵyz 4 balany tárbıelep otyr. Kákimovter otbasynyń qıyn materıaldyq jaǵdaıyn eskere kele, elorda ákimdigimen materıaldyq kómek kórsetildi, sondaı-aq, múgedekke arnalǵan arba tabystaldy.

Kóp balaly ana Gúlmıra Kákimova elorda ákiminen balalarǵa kıim men kompıýter alýǵa kómek kórsetýin suraǵan. «Astana - meıirimdi qala» qaıyrymdylyq aktsııasy aıasynda Áset Isekeshev Kákimovter otbasynda boldy.

Sonymen qatar, qala basshysy 87 jasar qala turǵyny Plotnıkova Lıýbovtiń jaǵdaıymen tanysty. Tyl eńbekkeri kóp jyldar boıy ATS monteri bolyp istegen. Qazirgi kezde jalǵyzbasty áıel qıyn jaǵdaıda turyp jatyr. Oǵan materıaldyq kómek kórsetilip, qajetti dári-dármek alýǵa qarjy bólindi.

Eske salaıyq, Astanada 1 jeltoqsanda «Astana - meıirimdi qala» jalpyqalalyq qaıyrymdylyq aktsııasy bastaldy. Túrli baǵyttar boıynsha qoldaý kórsetiledi, ıaǵnı, azyq-túlik ónimderin, kómir, kıim-keshek satyp alý, dárihanadan dári-dármek satyp alý úshin sertıfıkattar jáne t.b.

Aktsııaǵa qatysýǵa nıet tanytqandar qalalyq jumyspen qamtý, eńbek jáne áleýmettik kómek basqarmasyna habarlasýyna bolady.