Elordada qaı jastaǵy turǵyndar KVI juqtyrýǵa beıim – dáriger jaýaby
NUR-SULTAN. QazAqparat – Nur-Sultan qalasynyń bas memlekettik sanıtar dárigeri Sarhat Beısenova elordadaǵy KVI juqtyrǵandardyń jas qurylymyn aıtyp berdi, dep habarlaıdy QazAqparat tilshisi.
«Jas qurylymy boıynsha 40-49 jastaǵy eresekter – 23,9 %, 50 jas jáne odan joǵary – 23,4 %, sondaı-aq 14 jasqa deıingi balalar arasynda – 20,3% osy ınfektsııaǵa kóbirek beıim. Dınamıkada 14 jasqa deıingi balalar arasynda juqtyrý jaǵdaılarynyń 5%-ǵa ósýi baıqalady (qańtar – 15,1 %, aqpan – 16,8 %, naýryz – 20,3 %). Bul rette naýryz aıynda 2-6 jastaǵy balalar arasynda aýyrǵandardyń sany 1,5 ese ósti», - dep túsindirdi S. Beısenova elorda ákimdiginde ótken onlaın brıfıngte.
Sonymen birge, spıkerdiń aıtýynsha, negizinen eń kóp aýrýǵa shaldyǵýshylar qatary jumyskerler – 43 %, jumyssyzdar – 22,3 %, zeınetkerler – 11,7 %. Zeınetkerler arasynda aýyrǵandardyń 2%-ǵa, oqýshylar arasynda – 3,4 %-ǵa (qańtar – 9,6 %, aqpan – 11,6 %, naýryz – 13%) óskeni baıqalady.
Buǵan deıin Sarhat Beısenova elordadaǵy KVI juqtyrý statıstıkasyn jarııalaǵan edi. Elordada koronavırýs juqtyrǵandar kúnine 150-den 280-ge deıin tirkeledi.
Sonymen birge, S. Beısenova qandaı jaǵdaıda karantın talaptary kúsheıtiletinin túsindirdi.
