Elordada qaı sanattaǵy azamattarǵa tegin maska beriledi
NUR-SULTAN. QazAqparat – Nur-Sultan qalasynyń ákimi Altaı Kólginov elordaǵa taǵy 1 mln maska jetkizilgenin málim etti, dep habarlaıdy QazAqparat tilshisi.
«Biz eń birinshi kezekte Densaýlyq saqtaý mınıstrligimen jáne «SK-Farmatsııamen» birge maskalardy medıtsınalyq qyzmetkerlerge, blok-posttarda eńbek etetin qyzmettegilerge, qalany patrýldeıtin qyzmetkerlerge, jedel járdem qyzmetkerlerine jáne ártúrli aýrýmen esepte turǵan azamattarǵa tegin beremiz. Osy adamdarǵa qazirdiń ózinde 300 myń medıtsınalyq maska tegin taratyldy. Sondaı-aq «Nur Otan» partııasynyń volonterlary áleýmettik turǵyda az qamtylǵan azamattarǵa maskalardy tegin taratady. Іri gıpermarketterde 30 myń maska berdik. ıAǵnı osydan bylaı sýpermarketter men gıpermarketterge qatań talap qoıdyq: adamdar kirgen kezde qolyn jýyp, sanıtarlyq talapty saqtaýy kerek», - dedi Altaı Kólginov Tengrınıýs.kz portalyna bergen tikeleı efırdegi suhbatynda.
Qala basshysy qazirgi tańda elordaǵa taǵy 1 mln maska jetkizilgenin aıtyp ótti.
«Álbette, jetispeýshilik seziledi. Sebebi adamdar áý basta maskany jappaı satyp alyp ketken. Qazir bir adamǵa 5 maskadan ǵana taratamyz. Biraq árbir usaq dárihanada maska bar dep aıta almaımyn. «Evrofarm», «Gıppokrat», «Bıosfera» sekildi dárihanalarmen jumys júrgizýdemiz», - dedi ol.
Altaı Kólginov qaladaǵy «ıÝtarı» kompanııasy maska tige bastaǵanyn málim etti.
«Másele baqylaýda. Kelesi aptada qalamyzǵa taǵy da maskalar men antıseptıkter jetkiziledi», - dedi ol.
