Elordada qaı pánniń muǵalimderi jetispeıdi

«Nur-Sultan qalasynda negizinen orys tilinde oqytatyn bastaýysh synyp muǵalimderi, orys tili men ádebıeti, sondaı-aq arnaıy bilimi bar mektepke deıingi muǵalimder qajet», - dep jaýap berdi basqarma QazAqparat agenttiginiń resmı saýalyna.

Nur-Sultan qalalyq bilim basqarmasy mektepke kadrlardyń, muǵalimderdiń jetispeýshiligi máselesin birneshe jolmen sheshýdi kózdep otyr. Atap aıtqanda muǵalimderdi elordada jumys isteýge tartý úshin ýnıversıtet túlekterimen jazda onlaın kezdesýler, ashyq esikter, jármeńkeler, E.Bóketov atyndaǵy Qaraǵandy memlekettik ýnıversıteti, Abaı atyndaǵy Qazaq ulttyq pedagogıkalyq ýnıversıteti, A.Baıtursynov atyndaǵy Qostanaı memlekettik ýnıversıtetiniń túlekterimen kezdesýler ótken.

«Elorda mektepteriniń dırektorlary bos jumys oryndar jármeńkesine qatysty (L. Gýmılev atyndaǵy Eýrazııa ulttyq ýnıversıteti, A.Baıtursynov atyndaǵy Qostanaı memlekettik ýnıversıteti). Olar enbek.kz portalynda úmitkerlerdi (sonyń ishinde aımaqtardaǵy jumys isteıtin muǵalimderdi) qarastyrýda. Kadr tapshylyǵyn joıý úshin Nur-Sultan qalasynyń ákimdigi jyl saıyn stýdentterdi pedagogıkalyq mamandyqtarǵa oqytýǵa memlekettik tapsyrysty arttyryp jatyr. 2019 jyldan 350 oryndy jas pedagogtarǵa arnalǵan jataqhana ashyldy. Osylaısha, kadr tapshylyǵy máselesi sheshilýde», - dedi basqarmadan.