Elordada qaı azyq-túlik ónimi kóbirek qymbattady
«Jyl basynan beri kókónis ónimderiniń baǵasy eleýli deńgeıde ósti, ıaǵnı pııaz, kartop jáne sábiz baǵasy kóterildi. Sonymen qatar, qant baǵasy da ósti», - dedi E. Baltaev qalalyq máslıhattaǵy turaqty komıssııanyń otyrysynda.
Barsha álemde azyq-túlik baǵasynyń ósýi baıqalyp otyrǵanyna toqtalǵan ol, FAO málimeti boıynsha azyq-túlik taýarlaryna baǵa ındeksi byltyrmen salystyrǵanda maýsym aıynda 20 paıyzdan astamǵa deńgeıge óskenin aıtty.
«Bul turǵyda basty sebepterdiń biri retinde geosaıası ahýal men logıstıkada taýar tizbeginiń buzylýyn atap ótýge bolady», - dedi ol.
Sonymen qatar basqarma basshysy áleýmettik mańyzdaǵy taýarlar eldiń ishki óndirisi esebinen qamtamasyz etilip otyrǵanyn, alaıda qus eti jáne qantpen, irimshikpen qamtý tıisti deńgeıde emes ekenin atap ótti. Bul turǵyda jetispeıtin kólem ımporttalyp keledi.
Budan buryn habarlanǵandaı, elordada halyqtyń áleýmettik osal toptaryna azyq-túlik arnaıy karta arqyly ótkiziledi.