Elordada qaı aýrýhanalar koronavırýsty emdeıtin statsıonarǵa beıimdeldi
NUR-SULTAN. QazAqparat – Nur-Sultan qalasy Qoǵamdyq densaýlyq saqtaý basqarmasynyń basshysy Tımýr Muratov elordanyń qaı aýrýhanalary koronavırýstan emdeıtin statsıonarǵa qaıta beıimdelgenin aıtyp berdi, dep habarlaıdy QazAqparat tilshisi.
«Qazir Nur-Sultanda koronavırýs ınfektsııasymen kúreske 15 statsıonar jumyldyryldy. Sońǵy eki aptada birneshe aýrýhanalardy – temirjol aýrýhanasy jáne teri-venerologııalyq dıspanserdi jáne bas áskerı klınıkalyq aýrýhanany qaıta beıimdeýge týra keldi. Sondaı-aq, Ramada Plaza qonaq úıi bazasyndaǵy statsıonar naýqastardy qabyldaýǵa daıyn. Eger qajet bolsa, ol da iske qosylady», - dep jaýap berdi spıker elorda ákimdiginde ótken brıfıngide tilshi suraǵyna.
Sonymen birge, T. Muratov koronavırýs ınfektsııasynan vaktsınanyń ǵana qutqaratynyn eske saldy.
Aıta keteıik, elordada epıdemıologııalyq jaǵdaı áli de qubylmaly, qalada kúnine 350-den 650-ge deıin jaǵdaı tirkeledi. H alyq kóp jınalatyn oryndarda turǵyndarǵa vaktsına salý pýnktteri ashylady.
Buǵan deıin Nur-Sultan qalasynyń bas memlekettik sanıtarlyq dárigeri Sarhat Beısenova úndeý jasap, halyqty karantın sharalaryn saqtaýǵa jáne indetke qarsy vaktsına alýǵa shaqyrǵan edi.
