Elordada qaı aýdandardy sý basýy múmkin
NUR-SULTAN. QazAqparat - Elorda biryńǵaı tegis jerde ornalasqandyqtan, qaladaǵy 37 núktede bir deńgeıde qaýip bar. Bul týraly Nur-Sultan qalasy TJD bastyǵy Baýyrjan Syzdyqov aıtty, dep habarlaıdy QazAqparat tilshisi.
«Nur-Sultan qalasy boıynsha sý basý qaýpi bar 37 oryn bar. Ol jerlerde 5400-den astam halyq turady. Jumys eń aldymen sol jerlerde atqarylýy kerek, - dedi «Kóktem-2020» respýblıkalyq komandalyq-shtabtyq oqý-jattyǵýy barysynda qalalyq TJD bastyǵy Baýyrjan Syzdyqov.
Ol byltyr 11 aqpanǵa deıin qaladan 1,6 mln tekshe metr qar shyǵarylsa, bıyl osy ýaqytta 4,5 mln tekshe metrden astam qar shyǵarylǵanyn aıtty.
«Qazir aýqymdy jumys atqarylyp jatyr. Qala boıynsha myńnan astam jeke quram, 300-den astam tehnıka bar. Onyń ishinde 130-dan astamy - sý soratyn quraldar. Sý basýy múmkin 37 orynǵa aldyn ala kúsh-quraldar bólinip, bekitildi. Sý basatyndaı jaǵdaı bolsa, sol oryndarǵa shyǵyp, jumys atqarady», - deıdi ol.
