Elordada qaýipsizdik sharalary kúsheıtildi
ASTANA. QazAqparat - Elordada qaýipsizdik sharalary kúsheıtildi, qoǵamdyq tártipti buzý jaǵdaılary tirkelgen joq, dep habarlaıdy astana.kz.
Astana qalasynyń ІІD málimetinshe, qalada terrorıstik qaýiptiń «sary» deńgeıi saqtalady
Terrorıstik qaýiptiń «sary» deńgeıi jarııalanǵan jaǵdaıda saqtalatyn tártip boıynsha usynystar.
- quqyq qorǵaý organdarynyń qujat tekserý jumystaryna túsinistikpen qarap, olarǵa kómektesińizder;
- qaraýsyz qalǵan sómkelerge, qoraptarǵa, túıinshekterge, qaptarǵa, chemodandarǵa, ásirese symdar men tehnıkalyq quraldar shyǵyp tursa, sondaı-aq, qoǵamdyq jerlerde jáne kólikte kúmándi, kúdikti adamdarǵa nazar aýdaryńyzdar;
- saqtaý nemese tasymaldaý úshin kúmándi zattardy almańyzdar;
- aınaladaǵylarǵa qaraýsyz qalǵan zattarǵa qol tıgizýdiń qaýipti ekendigin túsindirińizder;
- aǵymdaǵy jaǵdaıdy baqylap, jańalyqtardy tyńdańyzdar.
Turǵyndardy dúrligýge jol bermeýge jáne messendjerler men áleýmettik jeliler arqyly taratylyp jatqan aqparattarǵa senbeýge shaqyramyz. Qasaqana jalǵan aqparat taratqany úshin qylmystyq jaýapkershilik júkteletinin eske sala ketkenimiz jón.
Kúmándi zattardy anyqtaǵan jaǵdaıda dereý 102, 71-60-10, 71-61-10 nomerleri boıynsha Astana qalasynyń ІІD kezekshilik bólimine habarlasyńyzdar.
