Elordada «Qaýipsiz kólik» aktsııasy jalǵasýda
ASTANA. QazAqparat - Elordalyq TJ departamenti «Qaýipsiz kólik» aktsııasyn jalǵastyryp, túrli profılaktıkalyq is-sharalar men tekserister júrgizýde.
Búginde júrgizýshilerge jadynamalar, «Sh» belgisi bar japsyrma qaǵazdardy tabystaý úshin, Astana qalasy TJD «Saryarqa» aýdanynyń TJB qyzmetkerleri BAQ ókilderimen birlese Astrahan tas joly boıynda ornalasqan MAI beketine qaraı shyǵý uıymdastyrdy.
«Bıyl qys óte qatty, aýa raıy qubylmaly, tómen aýa temperatýrasynda kólikti qyzdyrý úshin ashyq ot qoldanýǵa, sonymen qatar akkýmýlıatordy kólikte tikeleı zarıadtaýǵa bolmaıdy. Avtokólikterdegi órt oqıǵalarynyń basym kópshiligi júrgizýshilerdiń óz kesirinen oryn alady. Órt qaýipsizdigi erejesin saqtańyzdar jáne eshqashan órt kezinde 101 nómirine, al tótenshe jaǵdaılarda 112 nómirine habarlasýdy umytpaý qajet», - dedi «Saryarqa» aýdanynyń TJB memlekettik órt baqylaý bóliminiń basshysy Qýanysh Toqsarın.
Atalǵan aktsııa aǵymdaǵy jyldyń qańtar aıynyń sońyna deıin jalǵasatyn bolady. Osy aralyqta departament qyzmetkerlerimen avtokóliktegi órt qaýipsizdigi erejeleri men normalaryn saqtaý boıynsha aýqymdy úgit-nasıhat jumystary júrgiziletin bolady, dep jazady astana.gov.kz.
