Elordada qatynap júrgen avtobýstar jartylaı bos bolýy kerek - CTS

NUR-SULTAN. QazAqparat - Erteńnen bastap elordada qoǵamdyq kóliktiń jolaýshylarǵa lyq tolyq bolýyna baqylaý júrgiziledi. Bul jaıynda CTS kompanııasy basqarma tóraǵasynyń orynbasary Baýyrjan Seıitov aıtty, dep habarlaıdy QazAqparat tilshisi.

«12 mamyrdan bastap qoǵamdyq kólik qozǵalysy jandandy. Qazir barlyq qalalyq baǵyttar júrip tur. Qala mańy baǵyttary boıynsha qosymsha habarlanady. Jolaýshylar jol júrý aqysyn qolma-qol aqshasyz tóleıdi. Aqshalaı tólem jasaı almaıdy. Jolaýshylarǵa qoıylatyn talap - maska taǵý. Munan bólek, avtobýs ishin jolaýshylarmen toltyrýǵa qatysty talap bar. Avtobýs ishi 50 paıyz ǵana tolyq bolýy kerek», - dedi ol.

Onyń atap ótýinshe, jolaýshylardy júrgizýshiniń ózi qadaǵalap otyrýy úshin kirý tek aldyńǵy esik, al shyǵý ortańǵy jáne artqy esikter arqyly bolady.

«Keshe-búgin monıtorıng júrgizdik. Jaı ýaqytta avtobýstar 15 paıyz toly bolsa, tańǵy jáne keshki ýaqytta jolaýshylar sany kúrt ósedi eken. Biz óz kezeginde qatynaý yńǵaıly bolý úshin avtobýstardyń júrý araqashyqtyǵyn baqylaımyz. Biraq, erteńnen bastap júrgizýshilermen qatar Kóliktik baqylaý departamenti tarapynan da avtobýstardaǵy jolaýshylardyń tolýyna qatysty qadaǵalaý kúsheıtiledi», - dedi ol.