Elordada qatty jel soǵyp, burshaq jaýady
NUR-SULTAN. QazAqparat - Elordada juma jáne senbi kúnderi qatty jel soǵyp, daýyl turýy yqtımal, dep habarlaıdy «Qazgıdromet» RMK.
«24 mamyr kúni kúndiz, 25 mamyrda táýlik boıy ońtústik-batystan soǵatyn jel soltústik-batysqa aýysady, ekpini 15-20 m/s. 25 mamyrda kúndiz keı ýaqytta jeldiń jyldamdyǵy sekýndyna 25 metrge jetedi jáne naızaǵaı oınap, burshaq jaýýy, daýyl turýy yqtımal» delingen habarlamada.
Astana qalasy Tótenshe jaǵdaılar departamenti aýa raıynyń qolaısyzdyǵy kezinde saqtyq sharalaryn saqtaýdy eskertedi.
