Elordada qatty boran soǵyp, eskertý jarııalandy
NUR-SULTAN. QazAqparat – Elordada aqtútek boranǵa baılanysty TJD eskertý jasady, dep habarlaıdy QazAqparat.
Qalalyq tótenshe jaǵdaılar departamentiniń habarlaýynsha, 27 qańtar kúni Nur-Sultanda qar jaýyp, boran soǵady. Ońtústik-batystan soqqan jeldiń jyldamdyǵy 15-20, keı jerde 23-28 m/s jetýi yqtımal.
«Aýa raıynyń buzylýy saldarynan kóliktiń barlyq túri boıynsha barlyq baǵytta jol jabyldy», - dep habarlaıdy departamentten.
Qalalyq tótenshe jaǵdaılar boıynsha departament qala turǵyndary men meımandaryna birshama keńes beredi.
«Árdaıym qyraǵy bolyp, aýa raıynyń ózgerýine baılanysty málimetterdi baǵyp, qala syrtyndaǵy joldarda qozǵalystyń shektelgeni týraly aqparatty bilip otyrǵan abzal. Sonymen birge, qurylys nysanary halyqqa qaýip tóndirmaý jaǵyn oılastyryp, múmkindiginshe qurylys nysandarynda jumysty toqtata turǵan durys», - dep eskertedi TJD-da.
Tótenshe jaǵdaılar týyndaı qalǵan jaǵdaıda «112» nómirine habarlasýǵa bolady.
Eske sala ketsek, birneshe oblysta, sonymen birge elordadaǵy aqtútek boran 22 qańtardan 23 qańtarǵa qaraǵan túni bastalǵan edi. Arqanyń aq borany qardy burqyratyp, uıytqı soǵyp, halyqty ábigerge salyp-aq tur. Osydan úsh kún buryn áleýmettik jelilerde aýa raıynyń buzylýyna baılanysty túrli vıdeo men foto, tipti jalǵan aqparat taraǵan bolatyn.
Sondaı-aq, erteń elordada oqýshylar men kolledj stýdentterine sabaq bolmaıdy.
