Elordada qaterli isik aýrýlarynyń aldyn alý boıynsha onkúndik aıaqtaldy
ASTANA. QazAqparat - Elordada Dúnıejúzilik sút beziniń qaterli isigimen kúres kúnine arnalǵan qaterli isik aýrýlarynyń aldyn alý boıynsha onkúndik aıaqtaldy, dep habarlaıdy ákimdiktiń baspasóz qyzmetinen.
On kúnniń ishinde 972 áıel tekserýden ótti. Shara bir ýaqytta birneshe medıtsınalyq mekemede, sonyń ishinde, onkologııalyq ortalyqta uıymdastyryldy. Al «Astana sý arnasy» kásipornynda aktsııa kezinde 357 áıel medıtsınalyq tekserýden ótti.
Sońǵy úsh jylda Astanada osy indetpen aýyrý kórsetkishi artyp keledi. Mamandardyń aıtýynsha, búgingi kúni aýrýdy erte anyqtaýdyń jáne emdeýdiń jańa jáne ınnovatsııalyq ádisteri bar. Al dárigerdiń kómegine ýaqytynda júgingen jaǵdaıda aýrýdan tolyqtaı aıyǵýǵa múmkindik bar.
Qazirgi kezde astanalyqtar turǵylyqty jeri boıynsha 11 emhana men 9 ishki aýdıt qyzmetinde onkolog dárigerlerdiń tegin tekserýinen óte alady.
