Elordada kastetpen ustalǵan azamat bas bostandyǵynan aıyryldy
ASTANA. QazAqparat - K. esimdi azamattyń avtokóligin tekserý kezinde «kastet» degen metaldyq zat tabylǵan bolatyn. Kólik júrgizýshisi ony zańsyz ustap júrgen, dep habarlaıdy QazAqparat tilshisi Astana qalalyq sotynyń resmı saıtyna silteme jasap.
«Astana qalasy Saryarqa aýdanynyń №2 aýdandyq sotynyń úkimimen K. QR QK 287-babynyń 1-bóligimen kináli dep tanylyp, atalǵan bap boıynsha 50 AEK mólsherinde aıyppul jazasy taǵaıyndaldy. QR QK 58-babynyń 3, 6-bóligine sáıkes, aýyr jazanyń jeńil jazany ózine sińirý jolymen, basqa úkimdegi jazany esepke ala otyryp, naqty 6 jylǵa bas bostandyǵynan aıyrý jazasy taǵaıyndaldy. Úkim zańdy kúshine engen joq», - delingen sottyń resmı saıtynda.
Aıta ketken jón, QR Qylmystyq kodeksi 58-babynyń 3-bóligine sáıkes, eger qylmystyq quqyq buzýshylyqtar jıyntyǵyna aýyr nemese asa aýyr qylmys kirse, onda túpkilikti jaza onsha qatań emes jazany neǵurlym qatań jazaǵa sińirý arqyly nemese jazalardy ishinara nemese tolyq qosý arqyly taǵaıyndalady. Bul rette bas bostandyǵynan aıyrý túrindegi túpkilikti jazany jıyrma jyldan asyrýǵa bolmaıdy.
