Elordada «Kásiptik bilim jáne bıznes: Áriptester suhbaty» atty VI qalalyq forýmy ótedi

Forým barysynda Astana qalasynyń tehnıkalyq jáne kásiptik bilim berý oqý oryndarynyń qyzmet baǵyty boıynsha «Kólik jáne kommýnıkatsııa»; «Qurylys, kommýnaldyq sharýashylyq, tehnıka»; «Service and maintenance»; «Bilim berý jáne medıtsına»; «Ekonomıka jáne quqyqtaný» taqyryptarynda kórmeler uıymdastyrylady. Kórmede Astana qalasynyń uıymdary men kásiporyndarynyń áleýmettik yntymaqtastyǵy, dýaldy oqytý, halyqaralyq yntymaqtastyǵy damytý jóninde aqparattar usynylady.

Shara kezinde Astana qalalyq bilim basqarmasynyń basshysy E.Sýhanberdıeva, QR BǴM Kásiptik-tehnıkalyq jáne orta bilimnen keıingi bilimdi jańǵyrtý departamentiniń dırektory D.Kalenova, Astana qalasy Kásipkerler palatasynyń dırektory Ǵ.Tasmaǵanbetov, «Bazıs» qurylys kompanııasy» JShS uıymdastyrýshylyq damytý jáne qyzmetkerlermen jumys isteý jónindegi vıtse-prezıdenti K.Tólendıeva, «Astana qalasy ákimdiginiń Jumyspen qamtý ortalyǵy» KMM dırektory O.Omar, «Kásipqor» Holdıngi» KEAQ ınvestıtsııalyq jobalar departamenti dırektorynyń orynbasary U.Jarmuhamedov syndy bilikti mamandar baıandama oqıdy dep kútilýde.

Qorytyndysynda sapaly kadrlar daıarlaý, áleýmettik áriptestikti damytýdyń bolashaǵy men kókeıkesti máseleleri boıynsha memorandým jáne tıisti kelisimsharttarǵa qol qoıý josparlanǵan.