Elordada kásipkerlikti damytý granttaryna 345 mln teńge bólindi
«Nur-Sultan qalalyq ınvestıtsııalar jáne kásipkerlikti damytý basqarmasy jyl saıyn memlekettik granttar taǵaıyndaıdy. Bıyl memlekettik granttarǵa qujattar qabyldaý 1 sáýirden 15 sáýirge deıin jalǵasady. Jalpy, osy jylǵa jergilikti bıýdjetten 345 mln teńge bólindi. Bul 69 jobaǵa jetkilikti. Bólingen qarajattyń 20 paıyzy halyqtyń áleýmettik osal toptaryna baǵyttalady. Onyń ishinde 45 mln teńge jastarǵa arnalǵan granttarǵa beriledi», - dedi ol.
Osy rette Qýanysh Saparov baǵdarlamaǵa bıyl engizilgen ózgeristerge toqtaldy.
«Baǵdarlamaǵa Nur-Sultan qalasynda óz isin júzege asyrýdy josparlap otyrǵan jeke kásipkerler nemese jaýapkershiligi shekteýli seriktestik retinde tirkelgen shaǵyn kásipkerlik sýbektileri qatysa alady. Jalpy, ár grant somasy – 5 mln teńgege deıin. Grant alýǵa qatysý, jańa bıznes ıdeıalardy iske asyrý úshin bıznes jobanyń mindetti sharttary mynadaı: jańa bıznes ıdeıa qurý, kásipker surap otyrǵan granttyń 10 paıyzynpa óz qarajatynyń bolýy, jańa jumys ornyn qurý», - dedi basqarma basshysynyń orynbasary.