Elordada kásibı kadrlardy daıarlaý júıesin jetildirý máselelerine arnalǵan respýblıkalyq ǵylymı-tájirıbelik konferentsııa ótedi - QR BǴM
ASTANA. QazAqparat - Búgin,16 qazanda M.Ótemisuly atyndaǵy Oqýshylar saraıynda Astana qalasynyń Bilim basqarmasynyń Gýmanıtarlyq kolledji «Kásibı kadrlardy daıarlaý strategııasy: máseleler men perspektıvalar» taqyrybynda respýblıkalyq ǵylymı-tájirıbelik konferentsııa ótkizedi.
Bul týraly QR BǴM baspasóz qyzmetinen habarlady.
Mundaǵy maqsat kadrlar daıarlaý júıesin jetildirý, tájirıbe almasý, jańashyldyqqa umtylýdyń jańa múmkindikterin ashýǵa yqpal etý bolyp tabylady.
Konferentsııaǵa Bilim jáne ǵylym mınıstrliginiń vıtse-mınıstri E.Imanǵalıev, Qazaqstan Respýblıkasy Bilim jáne ǵylym mınıstrliginiń Kásiptik-tehnıkalyq jáne orta bilimnen keıingi bilimdi jańǵyrtý departamentiniń dırektory S.Madeev, Astana qalasy Bilim basqarmasynyń basshysy E.Sýhanberdıeva, sonymen birge oblystyq, Astana, Almaty qalalyq Bilim berý basqarmalarynyń, Respýblıkalyq ǵylymı-tájirıbelik, ǵylymı-ádistemelik ortalyqtarynyń jáne TjKB pedagogıkalyq bilim berý mekemeleriniń basshylary qatysady.
Konferentsııanyń sektsııalyq jumysy 4 baǵytta ótedi.
Alqaly jıynǵa Qazaqstan men Reseı Federatsııasynyń 45 pedagogıkalyq joǵary oqý oryndary men kolledjderiniń ókilderi qatyspaq.
Sondaı-aq, konferentsııa aıasynda kásiptik bilim berý salasyndaǵy is-tájirıbelerdi tanystyrý maqsatynda «Kásiptik bilim berý júıesin jańartý. Negizgi úrdister» atty taqyryptyq kórme ekspozıtsııasy uıymdastyrylady.
