Elordada qashyqtan oqıtyn oqýshylar COVID-19-dy kóbirek juqtyrǵan
NUR-SULTAN. QazAqparat – Nur-Sultan qalasynyń bas memlekettik sanıtarlyq dárigeri Sarhat Beısenova elorda mektepterindegi koronavırýs statıstıkasyn aıtyp berdi, dep habarlaıdy QazAqparat tilshisi.
«2021 jyldyń 1 naýryzyndaǵy jaǵdaı boıynsha, oqý jylynyń basynan beri mektep oqýshylary arasynda 1103 COVID-19 jaǵdaıy tirkeldi. Onyń ishinde kezekshi synyp oqýshylary arasynda 263 nemese 23,8%, qashyqtan oqytý boıynsha oqýshylar arasynda 840 jaǵdaı, ıaǵnı 76,2% kórsetken», - dedi S. Beısenova elorda ákimdiginde ótken onlaın brıfıngte.
Sonymen birge, 1 aqpannan bastap qalada medıtsına qyzmetkerlerin, 1 naýryzdan bastap – pedagogtar men kúsh qurylymdary qyzmetkerlerin vaktsınalaý bastaldy. Búginde 1 komponentpen 2241 adam, 2 komponentpen – 824 adam qamtylǵan.
Aıta keteıik, elordada COVID-19 aýrýy qańtar aıymen salystyrǵanda 33,8%-ǵa tómendedi. Táýligine shamamen 68 ınfektsııa jaǵdaıy tirkeledi, onyń ishinde 37 jaǵdaı sımptomdy, 31-i sımptomsyz túrde.
Qalada kóbinese 30-39 jastaǵy adamdar basym aýyrady, olar 24,8% quraıdy. 50 jastan asqan adamdar – 23,5 % bolsa, balalardyń jalpy syrqattanýshylyqtaǵy úlesi – 14,9% quraıdy.
