Elordada qashyqtan oqıtyn oqýshylar arasynda KVI juqtyrý jaǵdaıy kóbeıdi
NUR-SULTAN. QazAqparat – Oqý jylynyń basynan 25-shi naýryzǵa deıingi COVІD-19 jaǵdaıy boıynsha 1590 oqýshy KVI juqtyrdy.
Bul týraly Nur-Sultan qalasynyń bas memlekettik sanıtar dárigeri Sarhat Beısenova aıtyp berdi, dep habarlaıdy QazAqparat tilshisi.
«Oqý jylynyń basynan 25-shi naýryzǵa deıingi COVІD-19 jaǵdaıy boıynsha oqýshylar arasynda barlyǵy 1590 jaǵdaı tirkeldi. Onyń ishinde offlaın rejımde oqýshylar arasynda 30,6% (1103 jaǵdaı), qashyqtan oqıtyndar arasynda – 69,4%. ıAǵnı, naýryz aıynda offlaın rejımde oqıtyn oqýshylar arasynda syrqattanýshylyq 10%-ǵa ósti», - dedi S. Beısenova elorda ákimdiginde ótken onlaın brıfıngte.
Spıkerdiń aıtýynsha, oqý jylynyń basynan beri Nur-Sultan qalasy boıynsha 92 mektep karantınge jabylǵan.
«Jyl basynan beri mektepke deıingi balalar mekemesine kelgen naýqas balalardyń sany – 145», - dedi S. Beısenova.
Buǵan deıin Sarhat Beısenova elordadaǵy KVI juqtyrý statıstıkasyn jarııalaǵan edi. Elordada koronavırýs juqtyrǵandar kúnine 150-den 280-ge deıin tirkeledi.
Sonymen birge, S. Beısenova qandaı jaǵdaıda karantın talaptary kúsheıtiletinin túsindirdi.
