Elordada qaryzy bar birneshe páterge sý berý toqtatyldy

ASTANA. 5 jeltoqsan. QazAqparat -  Astananyń keıbir turǵyndary úshin jańa jumys aptasy sátsiz bastaldy. «Astana sý arnasy» MKK, Astana qalasynyń sot aktilerin oryndaý departamenti qaryzdaryn tólemegen turǵyndardy ortalyq sýmen jabdyqtaý júıesinen ajyratyp tastaýdy bastady.

Bul jaıynda elordanyń resmı saıty habarlap otyr.

«Astana qalasynyń sot oryndaý departamenti «Astana sý arnasy» MKK-men birge reıd ótkizýde. Bul is-shara barysynda boryshkerlerdiń páterlerine kelip, sot sheshimimen tanystyryp, osy sot sheshimin oryndaý qaǵazyn berýdemiz. Al, sot sheshimin oryndamaǵan jaǵdaıda boryshkerlerge sý berý toqtatylady», - dedi qaladaǵy sot aktilerin oryndaý departamentiniń memlekettik sot oryndaýshysy Dáýren Sársenbaev.

Astana qalasy boıynsha sýdyń qaryzy 200 mln teńgege jetken. Onyń ishinde 90 mln teńge jeke tulǵalardyń berejaǵy. ıAǵnı, bas qalanyń 2500 turǵyny qaryzǵa belsheden batyp keledi. Aıta ketý kerek, turǵyndarǵa úsh aı buryn eskertý jasalady. Oǵan qosa, aýyz sýsyz qaldyrmas úshin qaryzdy óteýge taǵy bes kún beriledi. Al, budan keıin de jaǵdaı ońalmasa, arnaıy mekemeler aýyz sýdan ajyratýǵa májbúr bolady.

 «Sýǵa aqsha tólemeýdiń túrli sebepteri bar. Sondyqtan biz úsh aı saıyn eskertý jasap, turǵyndarǵa múmkindik jasaımyz. Alaıda, bul eskertýlerden keıin jaǵdaı ózgermese, biz basqa shara qoldanýǵa májbúrmiz. Osylaısha, sýdan ajyratamyz. Bul jaǵdaı turǵyndarǵa sabaq bolar degen oıdamyn», - deıdi «Astana sý arnasy» MKK-niń baspasóz hatshysy Vahıd Nııazov.

Keshe Jeńis dańǵyly men Baıtursynov kóshesindegi  birneshe páter sýdan ajyratylǵan kórinedi.